तमघास । राष्ट्रिय जनमोर्चा गुल्मीको पाँचौँ जिल्ला सम्मेलन सम्पन्न भएको छ ।

राजमोका कार्यकारी अध्यक्ष रश्मिराज नेपालीको प्रमुख आतिथ्यमा २०८० वैशाख २९ र ३० गते सदरमुकाम तमघास बजारमा सम्मेलन सम्पन्न भएको हो ।

सम्मेलनको उद्घाटन कार्यकारी अध्यक्ष रश्मिराज नेपालीले गर्नुभएको थियो ।

सम्मेलनमा राजमो केन्द्रीय सदस्य रामकुमार क्षेत्री, अखिल नेपाल युवक सङ्घका अध्यक्ष कृष्णराज पाण्डे, अखिल नेपाल जनजाति सम्मेलनका केन्द्रीय सदस्य गुमानसिंह पुन, अखिल नेपाल महिला सङ्घकी केन्द्रीय सदस्य नरमाया राना, प्रगतिशील पत्रकार सङ्घका केन्द्रीय सदस्य हरि न्यौपाने, रक्तिम सांस्कृतिक अभियानका केन्द्रीय सदस्य हरि सर्तुङी, राजमो लुम्बिनी प्रदेश सदस्य रामेश्वर खत्री, नेकपा (मसाल) गुल्मीका प्रवक्ता ओमेन्द्र कुँवर, अखिल नेपाल बुद्धिजीवी सङ्घका जिल्ला अध्यक्ष कमल अर्याल, जातीय समता समाजका जिल्ला अध्यक्ष बुद्ध सुनार र युवक सङ्घका जिल्ला अध्यक्ष खिम बुचाको आतिथ्य रहेको थियो ।

निवर्तमान अध्यक्ष जीवन रानाको अध्यक्षतामा अघि बढेको सम्मेलनको सञ्चालन सचिव छविलाल सर्तुङीले तथा स्वागत कोषाध्यक्ष टेकबहादुर केसीले गर्नुभएको थियो ।

सम्मेलनले रामकुमार क्षेत्री अध्यक्ष रहनुभएको २३ सदस्यीय राजमो गुल्मीको जिल्ला समिति चयन गरेको छ ।

समितिको उपाध्यक्षमा टेकबहादुर केसी, सचिवमा छविलाल सर्तुङी, सहसचिवमा हरि न्यौपाने र कोषाध्यक्षमा नरमाया राना रहनुभएको छ ।

त्यसैगरी सदस्यहरूमा गुमानसिंह पुन, पूर्णबहादुर थापा, नेत्र राना, देवबहादुर रायमाझी, श्यामलाल पन्थ, धनबहादुर थापा, आत्माराम न्यौपाने, कृष्ण विक, धना कुँवर, तारा जिसी, खिमा झाक्री, जमुना कुँवर, उषा सिँजापती, चन्द्रबहादुर पुन, पशुपति न्यौपाने, थम्मन बस्नेत, हुमा सिँजापती र विष्णु रिजाल रहनुभएको छ ।

सम्मेलनले जीवन राना, मोहनलाल श्रेष्ठ, रामेश्वर खत्री, कमल अर्याल, चिन्तामणि भट्टराई, लीला जिसी, कमल पुलामी र गङ्गा केसीलाई सल्लाहमा चयन गरेको छ ।