तिज शब्दको अर्थ मलाई पनि थाहाँ छैन। साउने सङ्क्रान्ति पर्व पछि आउने र वडा दशैं पहिला मनाइने महिलाहरुको खास गरेर नेपाली हिन्दु महिलाहरुको पर्व हो भन्नेमा दुई मत छैन। तिज अलग अलग ठाउँमा अलग अलग तरिकाले गाउँले परिवेशमा मनाउने गरेको पाइन्छ। कतिपय ठाउँमा केरा पकाउने भन्दा रहेछन, ठिटीहरुले आफ्ना मन परेका ठिटाहरु लाई बोलाएर केरा तरुल पेटभरि खुवाउने चलन पनि रहेछ। उपवास बस्ने पूजापाठ गर्ने चलन त सबैतिर छ। नयाँ नयाँ कपडा गहना लगाउने नाचगान गर्ने पिङ्ग खेल्ने रमाइलो गर्ने गर्छन। गाउँतिर त एक महिना अघि देखि नै राती रातीमा नाचगानमा मस्त हुने चलन छ।
धेरै छोरी चेलीहरु भाग्ने बिग्रिने बदनाम हुने घटना लाई मध्येनजर गरेर स्थानिय सरकारले राति रातिमा हुने नाचगानमा रोक लगाएको छ। विकृति र विसंगतिलाई रोक्न हामि समयमै सजक र सतर्क रहन जरुरि छ।
धर्मले हमेशा शोषक वर्गको पक्षपोषण गर्ने गरेको पाइन्छ।महिलाहरुलाई पुरुषको दासी बनाएर खेलौनाको रूपमा उपयोग गर्दछ। वन पधेरा ढिकी जाँतो चुलो चौकोको चौघेरामा सीमित राखेको हुनाले तिनै वेदना विरहका पीर व्येथाहरु गीतको लयमा तीजमा नाच्ने गाउने गरेको बुझ्न सकिन्छ। आज पनि त्यही छ तर आमूल परिवर्तनको लागी कम्मर कसेका सचेत र जागरुक संगठित महिलाहरुले वर्ग संघर्षको विद्रोही आवाज त्यही गीत र लयमा घनकाउन थालेका छन। संघीयताको विरोधमा, सम्पतिमा समान अधिकार, एम सी सी को विरोधमा, सीमा अतिक्रमणको विरोधमा, महिला हक अधिकार मुक्तिका गीतहरू आइसकेका छन, यसपालीको तीजमा एक सय पचास किलो सुन कता गयो?गित आउन सक्छ। विद्रोहको शंखघोष हुनसक्छ।
एक व्यापारी वर्ग टी आर पी को लागि छाडा गीत निकालेर समाज र तिज पर्वलाई नै बदनाम गर्ने तथाकथित कलाकार भनिने वर्ग पनि छन। हङकङको सारीले धूलो उडाउने गित निकाल्छन्। यस्ता गित सँग तीजी परम्पराको कुनै साइनो छैन। यस्ता अश्लिल छाडा गीतहरु र नाचहरुलाई प्रगतिशील सोच बोकेका ले बहिस्कार गर्छन र जनवादी क्रान्तिको लागि वर्गीय मुक्ति आन्दोलनमा सरिक हुन आह्वान गर्दछन्।
