नारायण जिसि प्युठान झिमरुक
झिमरुक गाउँपालिका वडा नं३ ढाकेडी निवासी स्वर्गीय बसन्त सामतकाे परिवारलाई सहयाेग जुटने काम निरन्तर चलिरहेकाे छ ।
झिमरुक गाउँपालिका उपाध्यक्ष प्रमाेद पाेखरेलले सामाजिक संजालमा माघ २ गते देखि वसन्त सामतका नाबालक छाेराहरुलाइ सहयाेग गर्ने मिसन सहित सहयाेग अभियान संचालन गर्नु भएकाे थियाे । आज त्यहि अभियानमा जाेडिएर नेपाली टिकटक हर्ट ग्रुपका केन्द्रीय अध्यक्ष डिल्लीराज पराजुलीकाे नेतृत्वमा जम्मा गरिएकाे करिब ५० हजारकाे सामाग्री घरमै पुगेर हस्तान्तरण गर्नु भएको छ ।
कार्यक्रममा बाेल्दै उपाध्क्ष पाेखरेलले बसन्तकाे कान्छाे छाेरा धन बहादुर सामतकाे नाममा सिटिजन बैंकमा १ लाख ७५ हजार रुपैयाँ जम्मा भएकाे कुरा जानकारी गराउनु भयाे ।
आगामी दिनमा नावालक बसन्तका छाेराहरुकाे पढाइमा समेत सहयाेग गर्ने नेपाली टिकटक हर्ट ग्रुपका अध्यक्ष पराजुलीले बताउनु भयाे ।
कार्यक्रममा झिमरुक गाउँपालिका वडा नं ३का अध्यक्ष मीन बहादुर खत्रीले सहयोगी मन मुटु लाई धन्यवाद दिनु भयाे।झिमरुक गाउँपालिका २नं वडाका वडाध्यक्ष कृष्णप्रसाद पाेखरेलले मानव सेवारुपी नेपाली टिकटकहर्ट ग्रुपले चलाएकाे अभियानले गरीबकाे घाउमा मलम लगाएकाे वताउनु भयाे।
कार्यक्रममा स्थानीय जनप्रतिनिधि , दल प्रतिनिधि ,समाजसेवी ,पत्रकार लगायतकाे उपस्थिति रहेकाे थियाे।
मृतक बसन्त प्युठानकाे उत्तरी भेगमा माघ१गते गाैमुखी मेला हेर्न जाने क्रममा भिरबाट लडेर मिर्त्यु भएको थियो ।मृतकका३छाेरा र श्रीमती छन।
