बिन बहादुर रेग्मी, सुरत
म सम्बद्ध संगठनमा लाईभ बैठक हुदैन, बैठकमा उपल्लो स्तरका अतिथि, इन्चार्ज र समितिका उपलब्ध सदस्यहरु मात्रै भाग लिन सकिन्छ। बैठक सुरु हुनु अघि हाई हलो सन्चो बिसन्चो भलाकुसारी अनौपचारिक रुपमा हुने गर्छ। जब औपचारिक बैठक विधिवत रुपमा सुरु हुन्छ सबै साथीहरू जिम्मेवारी र दायित्वको सवालमा गंभीर हुनैपर्छ। इन्चार्जको निगरानीमा अध्यक्षको कमान्डिङमा बैठक अनुशासित तवरले अगाडि बढ्छ। आलोचना,रिपोर्टिङ, सर्कुलर,संगठनात्मक ,प्रकासन, आर्थिक,खेलकुद लगायत विविध प्रस्तावमा विषय प्रवेश गर्छौ र व्यापक छलफल र निर्णय पश्चात बैठक समापनमा जान्छौ। यि सबै कुरा गोप्य राखिने संगठनको नियम छ। सामूहिक निर्णय व्यक्तिगत जिम्मेवारी अनुसार हामि फिल्डमा जान्छौ। जसले जिम्मेवारी पूरा गर्न सक्दैन जसले बहानाबाजी बनाउँछ, जसले झुट बोल्छ, त्यस्ता सदस्यको लागि अनुशासन विभागले निगरानी गर्ने सिस्टम छ। त्यसरि संगठनको अनुशासनको रापिलो भट्टीबाट तापिएर खारिएर तयार भएका हाम्रा नेता कार्यकर्ता बुद्धिजीवी साथीहरू विरोधीको कुनै पनि वैचारिक आक्रमणको सजिलै सामना गर्न सक्षम हुन्छन। त्यसकारणले पनि हाम्राे राजनैतिक भविष्य उज्वल छ भन्ने मेरो बुझाई छ।राजनीति पेशा होइन, राजनीति व्यापार झन हुँदै होइन, राजनीति मात्र सभ्य मानव समाजको निर्माण गर्ने एक मंत्र हो।मैले राजनीतिमा प्रवेश गर्दा एउटा कुरा मन्त्रको रूपमा सिकाइएको थियो त्यो थियाे पार्टी र क्रान्तिको लागि खाँचो परे ज्यानको आहुति दिन तयार हुनुपर्छ। निस्वार्थ भावले समाजसेवा मा दत्त चित्त भएर समर्पित हुनु पर्छ। यसको अर्थ पार्टीबाट पाउने आशा होईन दिने क्षमताको राजनैतिक स्तरमा आफूलाई तयार पार्नुपर्छ। छोरा छोरी सन्तानको सन्दर्भमा पनि यही वैज्ञानिक राजनीतिले काम गर्छ। छोराछोरी सन्तान हुर्काउन पालन पोषण पठन पाठन निस्वार्थ हुन्छ। जान्ने ठहरिएको नभन्नु होला हैं। छोरा छोरी सन्तानको भविष्य उज्वल सुखमय बनोस भन्ने सबै अभिभाबक को यही मात्र एउटा स्वार्थ हुन्छ नकि छोरा छोरी ले पैंसा कमाएर देउन, दिदैनन पनि। यदि दिई हाले भनें तिनीहरूको डाइरीमा त्यो हिसाब चढिसकेको हुन्छ।
छोराछोरीले बाउ आमाको ऋण तिरेर सक्दैनन्। वर्षातमा आफू भिजेर सानाे नानीलाई छाता किनेर दिने बाउको छाताको पैसा त फिर्ता दिन सक्लान तर त्यो मायाँ त्यो निस्वार्थ भावनाको कीमत अनमोल हुन्छ फिर्ता दिन सम्भव नै हुदैन। आमाले आफू भोकै बसेर छोरा छोरी को पेट भर्नुहुन्छ ठूलो भए पछि फुटेको चश्मा फेरिदिएर पालो कटाएको सोच्लान् तर आमाको बात्सल्ये को कीमत फिर्ता दिने सम्भावना नै हुदैन। तसर्थ: याे बुझ्नुस कि म त दिनको लागि मात्रै जन्मेको मान्छे हो। पार्टी संघ संस्था दल समुह वा आमा बुवा मामा काका कोही कतै कसैबाट थोरै पनि लिने पाउने आशा म गर्दैन। यो मैंले सिकेको राजनिती हो।
के तपाईं पनि राजनिती गर्नुहुन्छ? के तपाईंले सिकेको राजनिती कलास पनि यत्तिकै पवित्र सुन्दर सफा छ त? कतै तपाईंले गरेको राजनिती देश बेच्ने लाइसेंस त भाको छैन? आउनुहोस समय छदै आत्मसमीक्षा गरौँ। पहिला देश बचाऔं, देश नै नरहे कहाँ राजनिती गरौंला र?
हामीहरू अहिले राष्ट्रिय तिन अभियान कार्यक्रम सफल पार्न फिल्डमा छौ। लेनिनको १००औं जन्म दिवस मनाउने र लेनिनवादको प्रयोगात्मक अध्ययन गर्ने गराउने, नेकपा को ७५औं स्थापना दिवस मनाउने र कम्युनिष्ट पार्टीको मुल्य मान्यता जन जनमा स्थापित गर्ने अर्को रहेको छ नेकपा (मसाल) नवौं महाधिवेशनको आन्तरिक तयारि गर्ने।
हामीलाई विश्वास छ, तपाईं हामीले सोचेको जस्तो चाहेको जस्तो जनप्रिय लोकप्रिय कम्युनिष्ट पार्टी अब बल्ल नेपालमा स्थापित हुँदैछ। मार्क्सवाद लेनिनवाद माओविचारधारा द्वारा पथप्रदर्शक कम्युनिष्ट क्रान्तिकारी पार्टी नेपाल कम्युनिस्ट पार्टी (मसाल) ले सशक्त प्रभाबकारी भूमिका खेलेको देखिनेछ।
