सरोज न्यौपाने
यी आमा, जसले फुटपाथलाई सहारा बनाएर व्यापार गरिरहेकी छिन्, यिनको नियमन गर, करको दायरामा ल्याउ ! तर, यिनलाई बाँच्न देउ, यिनको हातमुख जोर्ने बहाना नखोस्देउ ! यिनलाई सन्तानको भविष्यको लागि संघर्ष गर्न देउ !
यी छोरी, धर्तीकि नयाँ फूल ! जो फुटपाथमा व्यापार गरिरहेकी आफ्नी आमासँगै फुटपाथमै आफ्नो भविष्य कोरिरहेकी छिन्, यिनको भविष्य बिल्लीबाठ नबनाइदेउ ! उनलाई गृहकार्य गर्नुछ, अझ धेरै पढ्नुछ र यो समाजको हाराहारीमा पुग्नु छ ! यिनको गतिमा अबरोध होइन सहजता थपिदेउ !
प्रिय् बालेन !
कृपया यिनीहरूमाथि अन्याय नगर ! यो सहर तिम्रो पनि हो र यिनको पनि हो ! यिनको अधरमा देशको सुदूर भविष्य छचल्किरहे जस्तो लाग्छ, यसलाई मर्न नदेउ ! यिनीहरूलाई समाजको पीँधबाट माथि उक्लेर सम्मानका साथ बाच्ने परिस्थितिको सिर्जना गरिदेउ ! यिनीहरूलाई विकल्प देउ, आफ्नो दायित्व बोध गर !
